FOREWORD FROM THE AUTHOR

I describe myself as a Muslim Activist, but more on the transformational context. I hate war or any form of violent act done against my person, loved ones, friends and helpless people by those who use their political power for terrorism. I write for peace and I shall always initiate any form of positive transformation in my own social, cultural and political milieu.

Ako po ay isang manunulat ng katotohanan at kapayapaan. Hangad ko po na maiugnay ang aking diwa sa positibong pamamaraan. Lahat po ng artikulong nababasa ninyo dito sa aking blog ay mga orihinal kong katha at ipinagbabawal ko ang pagkopya at paggamit ng mga ito ng walang PERMISO mula sa akin. ALL RIGHTS RESERVED.

PAUNAWA: Lahat ng patalastas (advertisements) na nakasaad sa blog na ito ay mula sa Googles.

Popular Posts

Tuesday, January 27, 2009

Maria Makiling


Marami sa atin ang naniniwala sa mga diwata. Isang pamana mula sa mga matatanda na nagsisilbing gabay upang itama ang isang mali.

Ang paglalahad na tumutukoy sa mga diwata, tulad ng Alamat ni Maria Makiling ay isang uri ng pananalamin upang hikayatin ang pagsusuri sa kalooban ng bawa't mamayan.

Ayon sa alamat, si Maria Makiling ay isang lambana na naninirahan sa bundok ng Makiling sa Laguna, dito sa Pilipinas. Si Makiling ang pinakatanyag na diwata sa kasaysayan ng mga alamat sa Pilipinas.

Bukod dito, may mga nakasaad din sa mga alamat na may diwata na nangangalang Maria Sinukuan na natatagpuan sa bundok ng Arayat sa Pampanga at si Maria Cacao na mula naman sa bundok Lantoy sa Cebu.

Si Maria Makiling ang bantay ng bundok Makiling upang protektahan ang mga natural na yaman nito. Siya ay kalaban ng mga tao na kinakamkam ang kalikasan upang yumaman mula rito. Galit siya sa mga taong walang awang pinuputol ang mga kakahuyan sa kagubatan at nilalapastangan ang yaman ng kalikasan upang magkamal ng limpak-limpak na salapi.


Maraming ginawang mga pelikula ukol sa alamat ni Maria Makiling at halos lahat ng mga ito ay nag-iwan ng mahahalagang aral: pangalagaan at pagyamanin ang kalikasan. Si Maria Makiling ay isang simbolo ng kunsensiya ng mamayang Pilipino upang ipaalalala sa sambayanan ang halaga ng kalikasan.

Subali't habang lumalawak ang kaalaman ng tao, ang alamat ni Maria Makiling ay tila nawawala na sa diwa ng mga Pilipino.

Marahil na rin ito sa dalawang dahilan: kahirapan at pagiging gahaman. Ang dalawang situwasyon ay nagpapababa sa antas ng pagkatao ng karamihan sa atin.

Ang nasabing kamalian ay laganap kahit saan at patuloy na magaganap kapag walang pagbabago sa kalooban ng mga ganid at halang ang kaluluwa.

Marahil ay kailangang magparamdam muli si Maria Makiling, isang kunsensiya ng kabutihan at pagtutuwid sa baluktot na pamamaraan ng karamihan sa atin.

Ikaw kaibigan, kilala mo ba si Maria Makiling? Minsan ay nasa paligid mo lang siya. Minsan ay nasa tabi mo. Pero madalas ay naninirahan siya sa puso ng bawa't tao upang gisingin ang mga diwang tulog dahil sa kasamaan.

8 comments:

abby villa said...

magandang gabi sa iyo prinsesa...nagustuhan ko itong blog mo. di ko alam kung alin sa mga blog mo ang ninais mong tingnan ko, marami kang blog e. pero ito yong nakaakit sa akin. sa ngayon wala pa akong maibigay na mungkahi. sa mga darating na araw siguro kapag higit ko nang nakita ang iyong mga posts. ayos itong blog mo sa filipino ;>}}

Bai Maleiha B. Candao said...

Salamat Abby. Masaya ako sa iyong pagdalaw. Marami akong blog dahil ang puso ko ay gustong itala ang lahat ng nilalaman nito.

Nasasaiyo ang pagpili. Lahat ng blog ko ay nag-uugnay sa lahat ng aking mga kaibigan at isa ka na dito. Salamat sa iyong inspirasyon. :)

Aihara Ramintessah Sanchez said...

isang butil ng pangaral ang muli mong binigyang buhay kapatid,salamat sa makabuluhang pagsusulat nito!

Bai Maleiha B. Candao said...

Salamat Tessah sa iyong pagdalaw aking maalalahanin na kaibigan. :)

ai said...

ano po ang labana?
tunay ngang mahiwaga si mariang makiling. sa katunayan, may isinusulat akong artikulo tungkol sa kanya. mabuhay ka!

Bai Maleiha B. Candao said...

@ Ai:

Hello. Salamat sa iyong pagdalaw.

Lambana, hindi labana, na ang ibig sabihin sa wikang kanluran ay "fairy".

Matagumpay nawa ang iyong katha. :)

sol soñab said...

nasiyahan ako sa iyong kwentong ito lalot nagpapasabik sa akin ang lugar na gawa sa dyan ako nakatira sa Los Baños,Laguna.nagugunita ko ang ganda at kariktan ng bundok Maikiling sapagkat dyan ako ipinanganak ng aking mga magulang.sang ayon din ako sa kanta ni sampaguita kung saan ang mga litanya ay ang pag lalahad ng bundok ng Maria Makiling.mahusay ang ang iyong mga panulat hingil sa diwatang ito.busog sa aral at magsilbing aral sa kabataan ang kagandahan nya.isa ako sa anak ng bundok na ito.muling nagpupugay sa kagalingan mo.mabuhay ka princess!

BAI MALEIHA B. CANDAO said...

Muli ay salamat aking kaibigan na Sol! Napangiti mo ako sa iyong pagdalaw. :-)