Skip to main content

Ang Matiyaga ay may patutunguhan






Marami ang nagsabi na ang paulit-ulit na gawain ay isang katangahan.

Ang pagiging makulit raw ay walang patutunguhan. Tama kaya iyon?

Paliit ng paliit ang mundo ng internet.

Mabuti na lang at ako ay siguradong nakayakap sa mga totoong kaibigan ko online.


Simple lang naman po ako, laging para sa totoo.

Para sa mga totoong tao ay ibibigay ko ang puso ko sa mga ipinaglalaban ang totoo.

Hindi naman lahat ng totoo ay tama pero ang pagtanggap na ito ay iyong nararamdaman o nakikita ay pag-amin na banal.

Mahirap maging totoo sa isang mundo na maskara ang sinasamba.

Nakakapagod din ang katotohanan.

Halimbawa na lang ay ang paulit-ulit na pagtanggap sa buhay na iyong pinili.

Minsan ay posibleng nagnasa kang makawala dito pero sakop ka ng batas ng tao at Diyos kaya wala kang magawa kung hindi tanggapin ito.

Sino ba iyong nagsabi ng ang pagkabaliw ay paulit-ulit na ginagawa ang isang bagay at inaasahang may pagbabago dito? Si Albert Eisntein.

Aniya: Insanity is doing the same thing over and over again and expecting different results.

Oo nga naman.

Pero huwag ninyong kalimutan na meron din patutunguhan ang kabaliwan.

Halimbawa ay ang paulit-ulit na pagwika sa iisang katotohanan at ito ay maging institutisyon na hindi na kayang burahin ng agos ng buhay.

Ang pagnanais nating makita ng pulido ang gawa sa isang bagay ay ang paulit-ulit na gawa ng kamay o makina upang ang orihinal na estado nito ay nababago ayon sa ating panlasa.

Huwag kayong maniwala na ang paulit-ulit na gawa ay walang patutunguhan..ito ay meron nababago.

Kahit maliit man lang, ito ay may nababago.


Nakakapagod din ang umasa.

Alam ko iyon dahil ako po ay maraming taong ng nagsusulat ukol sa kapayapaan sa Mindanao, parang insanity nga dahil sa paulit-ulit na pangako ng mga dumaan ng administrasyon kahit laging napapako, pero patuloy pa rin ang mga kapwa ko Muslim umaasa sa pagbabago.

Simple lang po ang laman ng aking kuwento sa araw na ito. Umasa at huwag mawalan ng pag-asa.

May nababago na makakamit sa pamamagitan ng tiyaga at taimtim na dasal.

Meron magbabago kapag ang puso mo ang magsasabi nito.

Meron mga tao at bagay na minsan ay kailangan nating bigyan ng mahabang panahon ng tiyaga, pang-unawa at pagmamahal upang ang isang umaga ng pagbabago ay ating makikita.

Salamat po sa inyong panahon. 

Ingat po kayo. :)


Comments

rbleano said…
tinoerAng pagiging matiyaga at masigasig ay susi sa tagumpay.
Tama po Kuya. :)

Popular posts from this blog

Maria Makiling

Marami sa atin ang naniniwala sa mga diwata. Isang pamana mula sa mga matatanda na nagsisilbing gabay upang itama ang isang mali.

Ang paglalahad na tumutukoy sa mga diwata, tulad ng Alamat ni Maria Makiling ay isang uri ng pananalamin upang hikayatin ang pagsusuri sa kalooban ng bawa't mamayan.

Ayon sa alamat, si Maria Makiling ay isang lambana na naninirahan sa bundok ng Makiling sa Laguna, dito sa Pilipinas. Si Makiling ang pinakatanyag na diwata sa kasaysayan ng mga alamat sa Pilipinas.

Bukod dito, may mga nakasaad din sa mga alamat na may diwata na nangangalang Maria Sinukuan na natatagpuan sa bundok ng Arayat sa Pampanga at si Maria Cacao na mula naman sa bundok Lantoy sa Cebu.

Si Maria Makiling ang bantay ng bundok Makiling upang protektahan ang mga natural na yaman nito. Siya ay kalaban ng mga tao na kinakamkam ang kalikasan upang yumaman mula rito. Galit siya sa mga taong walang awang pinuputol ang mga kakahuyan sa kagubatan at nilalapastangan ang yaman ng kalikasan upan…

Nasaan na si Pedro Penduko?

\









Nasaan na si Pedro Penduko? Batid nating lahat na si Pedro penduko ay isang simbolismong hustisya na maituturing nating mabigat na pangangailangan ng bawa't mamamayang Pilipino.

Si Pedro Penduko ay mula sa mapagkathang isip ni Francisco V. Coching na unang pinakilala nito ang katauhan ni Penduko sa Liwayway Magazine. Si Penduko ay isang bayaning pinoy na mababasa sa mga libro at komiks at mapapanood sa telebsiyon at mga sinehan.

Ang tanging nakakaaliw sa konsepto ng "Pedro Penduko" ay ang karuwagan sa karakter nito nguni't handa naman siyang lumaban sa may masasamang kalooban.

Siya ay may hawak na anting-anting o (amulet) na nagbibigay ng lakas at kapangyarihan sa kanya. Nagpapahiwatig lamang ba ito na ang katapangan ni Pedro ay wala sa kanyang pagkatao dahil umaasa lamang ito sa nasabing anting-anting?

Kung ating susuriin ang mensahe ng karakter na akda ni Conching, makikita natin na hindi handlang ang karuwagan sa pagkamit ng hustisya. Sa isang banda, dapat rin na…

Buwayang Kamalayan

Malayang mag-isip si Jose kung ikukumpara sa ibang mga kabataan na tulad niya.

Bakit nga ba tuwing kabataan ang pag-uusapan ay mabilis kumawala ang maling mga argumento tungkol dito. Mapusok at walang direksiyon. Iyan ang karaniwang pag-huhusga sa mga kabataan. Para bang lahat ng matatanda ay tuwid mag-isip at may direksiyon.
Nakakatawa.
Nakakapagod din ang karaniwang mag-isip. Ito ang mga utak na ayaw buksan ang iba pang bahagi ng rason sa kanilang munting daigdig. Mali at muling pagkakamali dahil sa baluktot na argumento.
Ang Jose ng kahapon ay nabuo sa pagsisikap at pagtitiis. Punong-puno ng buhay at malayang kumilos upang tugunin ang layunin. Sa argumento at pamantayan ng iba, mali ang maging aktibista. Mali ang magsalita ng hindi sang-ayon sa batas dahil tatawagin kang makakanan o kalaban ng gobyerno.
Bakit nga ba kapag mali ang pamamaraan ng liderato, subersibo ang tawag sa mga kritiko nito. Bakit may sari-sariling pananaw ang bawa't sektor ng lipunan na nakabase sa interest na…