Skip to main content

Kurot sa Kalamnan




Masakit..masakit talaga dito sa aking puso na makita ang kapwa ko Muslim na naliligo sa sariling dugo dahil sa kagagawan ng Israel na ginagamit ang maling idolohiya at isulong ang isang agenda na pampulitika.

Katulad na lamang ng kaganapan sa Gaza, sa pagpatay sa mga Muslims sa Palestine na matagal ng nagaganap. Nag-tengang kawali lamang ang Israel sa panawagan ng United Nations at iba pang Islamic countries na itigil ang opensiba sa mga sibilyan sa Palestine, dahil para sa Israel, ang Gaza war ay isang tagumpay para sa kanilang baluktot na paniniwala.

Isa sa mga naging biktima ng nasabing karahasan sa Gaza ay isang limang buwan na sanggol na nag-iisang anak ng mag-asawang Palestino na hindi nabiyayaan ng anak sa mahabang taon, at nang lumabas ang kanilang anghel, ito ay mamamatay lamang sa isang masakit na paraan.

Idolohiya laban sa idolohiya? Sabihin mo nga sa akin kaibigan kung makatarungan ba ang idolohiya na may karahasan at walang-awang pagpatay sa mga walang kalaban-laban na sibilyan.

Ang pang-aapi sa mga Muslim na walang kasalanan ay hindi kailanman makatarungan. Katulad din iyan ng mga Muslim na mang-aapi sa mga inosenteng mamamayan. Kahit ano pa mang lahi o relihiyon, isang malaking kasalanan sa maykapal na idamay ang mga inosente at walang kamuwang-muwang sa karahasan.

Kinukurot ang aking kalamnan, pinipiga ang aking puso tuwing aking pagmasdan ang kanilang pagdurusa.

Hindi iyan naiiba sa nangyaring kaguluhan sa Marawi City na ikinasawi ng maraming mamamayan na Muslim. Ito ay nagsimula sa buwan ng mayo ng kasalukuyang taong 2017.

Sinimulan ito ng Maute group na sinasabing kaalyado ng ISIS. Naghagis sila ng lagim sa Islamic City ng Marawi sa araw ng Ramadhan. Maling mali.

Isang bagay na nagpapatunay lamang na ang kanilang pananaw ay taliwas o salungat sa turo ng Islam o sa Sunnah ng Prophet Muhammad.

Iyan ang dahilan kung bakit hindi nila makuha ang simpatya ng nakararaming mga Muslim sa Mindanao.

Ayon sa report ay marami ng sibilyan ang naging biktima ng paglalaban sa pagitan ng sundalo ng gobyerno at ng Maute group.

Masakit na kapwa Muslim ang nagpapahirap sa kapareho nilang Muslim.

Pero ito ang tanong: Sila ba ay talagang Muslim?

Ang kanilang karahasan ay labag sa Islam. Maaaring sa pangalan sila lang Muslim pero hindi sa diwa at gawa.


Comments

Popular posts from this blog

Maria Makiling

Marami sa atin ang naniniwala sa mga diwata. Isang pamana mula sa mga matatanda na nagsisilbing gabay upang itama ang isang mali.

Ang paglalahad na tumutukoy sa mga diwata, tulad ng Alamat ni Maria Makiling ay isang uri ng pananalamin upang hikayatin ang pagsusuri sa kalooban ng bawa't mamayan.

Ayon sa alamat, si Maria Makiling ay isang lambana na naninirahan sa bundok ng Makiling sa Laguna, dito sa Pilipinas. Si Makiling ang pinakatanyag na diwata sa kasaysayan ng mga alamat sa Pilipinas.

Bukod dito, may mga nakasaad din sa mga alamat na may diwata na nangangalang Maria Sinukuan na natatagpuan sa bundok ng Arayat sa Pampanga at si Maria Cacao na mula naman sa bundok Lantoy sa Cebu.

Si Maria Makiling ang bantay ng bundok Makiling upang protektahan ang mga natural na yaman nito. Siya ay kalaban ng mga tao na kinakamkam ang kalikasan upang yumaman mula rito. Galit siya sa mga taong walang awang pinuputol ang mga kakahuyan sa kagubatan at nilalapastangan ang yaman ng kalikasan upan…

Nasaan na si Pedro Penduko?

\









Nasaan na si Pedro Penduko? Batid nating lahat na si Pedro penduko ay isang simbolismong hustisya na maituturing nating mabigat na pangangailangan ng bawa't mamamayang Pilipino.

Si Pedro Penduko ay mula sa mapagkathang isip ni Francisco V. Coching na unang pinakilala nito ang katauhan ni Penduko sa Liwayway Magazine. Si Penduko ay isang bayaning pinoy na mababasa sa mga libro at komiks at mapapanood sa telebsiyon at mga sinehan.

Ang tanging nakakaaliw sa konsepto ng "Pedro Penduko" ay ang karuwagan sa karakter nito nguni't handa naman siyang lumaban sa may masasamang kalooban.

Siya ay may hawak na anting-anting o (amulet) na nagbibigay ng lakas at kapangyarihan sa kanya. Nagpapahiwatig lamang ba ito na ang katapangan ni Pedro ay wala sa kanyang pagkatao dahil umaasa lamang ito sa nasabing anting-anting?

Kung ating susuriin ang mensahe ng karakter na akda ni Conching, makikita natin na hindi handlang ang karuwagan sa pagkamit ng hustisya. Sa isang banda, dapat rin na…

Mga Sultans Ng Maguindanao (1515 to present)

(Ito po ay larawan ni Apo Sultan Kudarat na nakipaglaban sa mga kastila)



Mga Sultans ng Maguindanao mula 1515 hanggang sa kasalukuyan.

Bago ko po ibahagi ang totoong listahan ng mga Sultans sa Maguindanao, nais ko po lamang ibahagi na ang nagtatag ng Sultanate ng Maguindanao ay si Shariff Muhammad Kabunsuan.

Si Shariff Muhammad Kabunsuan po ang great great grandfather ng aking   great grandfather na si Sultan Muhammad Dipatuan Kudarat.


1.Shariff Muhammad Kabunsuan ( 1515)

2. Shariff Makaalang (1543)

3. Datu Bangkaya (1574)

4. Datu Dimasangkay Adil (1579-1584)

5. Datu Gogo Sarikula (1585-1597)

6. Kapitan Laut Buisan (1597-1619)

7. Sultan Muhammad Dipatuan Kudarat I(1619-1671)

8. Sultan Mohamad Dundang Tidulay (1671-1672)

9. Sultan Muhammad Baranaman (1672-1699)

10.Sultan Jamalal Alam Kuda (1699-1702)

11. Sultan Bayanol Anuar (1702)

12. Sultan Jadar Sedik Manamin (1733)

13. Sultan Tahirudin Malinog (1736)

14. Sultan Pakir Maulana Kairodin Kamsa (1749)

15. Sultan Pakarudin Alma…